ТАНИЛЦ: АИ92 борлуулж байгаа шатахуун түгээх станцууд

Шатахууны нийлүүлэлтийн цаг үеийн асуудлаар УУХҮ-ийн сайд Ж.Ганбаатар мэдээлэл хийлээ. 

Тэрбээр "Арванхоёрдугаар сард нийт 71,000 тонн АИ92 бензинийг ОХУ-аас захиалснаас өнөөдрийн байдлаар 52 мянган тонн АИ92 орж ирсэн байна. 52 мянган тонн АИ92 манай улсад хэдийн орж ирээд, гаалийн бүрдүүлэлт хийгээд буусан тоо юм. ОХУ-ын Ангарскийн үйлдвэрээс 253 вагон АИ92 бензин ачигдаад Монгол руу ирж яваа. Манай дундаж хэрэглээнээс 10 мянган тонноор илүү АИ92 бензин энэ сард багтаж орж ирнэ гэдгийг ард иргэддээ хэлье.

АИ92 шатахууныг Шунхлай, Петровис, Тэс петролиум, Сод Монгол, Монсуль ХХК, Газ Ойл Нефть ХХК, Синчи-Ойл ХХК-иудын 200 гаруй салбар клонкоор зарж байгаа. 

Шижир-Ойл, Аргал ойл, Жаст-Ойл, М-ойл, Ти Эм Ойл, Хишиг Ойл, Номин Ойл, Бадрал Ойл, Хүрээ Инвест ХХК, Сангийн далай холдинг, Бор хуст хайрхан гэсэн эдгээр ШТС-уудаар АИ-92 зарагдахгүй байгаа" гэв.

Үнэ нэмэгдэж магадгүй гэсэн мэдээлэл иргэдийн дунд байна, АИ92 бензинийг Наушик буюу хил хүртэл 705 ам.доллароор нийлүүлж байгаа бөгөөд таван жилийн урт гэрээтэй. Евро-5 стандартын 92 бензин нэг литр нь 2,940 төгрөгөөр зарагддаг. Өмнө нь 872 ам.доллароор нийлүүлдэг байсан бол 825 ам.доллар болж буурсан. АИ95 бензинийг 880 ам.доллароор нийлүүлдэг байсан бол 837 ам.доллар болж, үнэ буурсан сайн мэдээтэй. Дизель түлшний сарын хэрэглээ 93 мянган тонн байсан бол сүүлийн гурван сар 120 мянган тонн болж нэмэгдсэн. Энэ уул уурхайн экспортын өсөлттэй холбоотой юм.