Хичээлийн шинэ жилийн баярын мэндийг дэвшүүлье.

Баянзүрх дүүргийн хэмжээнд тусгай хэрэгцээт боловсролын үйл ажиллагаа явуулдаг 55 дугаар сургуультай танилцаж, “Дэзэрэт” олон улсын энэрлийн байгууллагатай хамтран зорилтод бүлгийн 100 сурагчид иж бүрэн хичээлийн хэрэглэл, хүүхдүүдэд ахуйн дадал хэвшилд суралцахад хамгийн хэрэгтэй “Завгүй самбар” 20 ширхгийг бэлэглэлээ.

Дүүргийн төдийгүй улсын хэмжээнд сургалтын чанараараа шалгарсан 55 дугаар сургууль нь зөвхөн ерөнхий боловсролын хичээлээс гадна ногоочин, тогооч, зочид буудлын үйлчилгээний ажилтан бэлтгэдэг мэргэжлийн ангиудтай бөгөөд шаардлагатай хөрөнгө оруулалтуудаа олон улсын тэтгэлэг, тусламжийн хүрээнд шийдвэрлэж чадсан жишиг туршлагатай хамт олон юм.
Мөн хөгжлийн бэрхшээлтэй хүүхдийг заавал гэр бүлийн нэг хүн асарч халамжлан ажилгүй, орлогогүй байдлыг халж хэрэгцээ шаардлагыг хангасан өдөр өнжүүлэх ажиллуулж байгаа нь онцлууштай аж.

Тус сургуульд оюуны бэрхшээлтэй, дауны синдромтой, аутизмтай хүүхдүүд голчлон суралцдаг тул ганцаарчилсан сургалт орох өрөөнүүд, тайвшруулах өрөөг хүртэл тохижуулсанд нь талархмаар...

Хүүхэд бүр ялгаваргүй, тэгш, хүртээмжтэй сурч боловсрох эрхтэй. Энэхүү хамгийн чухал эрхийг хангахаар ажиллаж буй багш, сурган хүмүүжүүлэгч нартаа онцгойлон талархлаа илэрхийлье.