Нийгмийн даатгалын хэлтсүүд “CALL CENTER” лавлах утсыг ажиллуулж байна

Нийгмийн даатгалын ерөнхий газрын удирдлагууд Сүхбаатар, Чингэлтэй дүүргийн хэлтэс болон ЧД-ийн 13 дугаар хороонд байрлах Хайлааст Нийгмийн даатгалын тасгийн үйл ажиллагаатай танилцаж, иргэдэд түргэн шуурхай чирэгдэлгүй үйлчлэх үйлчилгээний нөхцөлийг бүрдүүлж буй эсэхэд хяналт тавин ажиллав.

СБД-ийн Нийгмийн даатгалын хэлтэс нь 7200 сайн дурын даатгуулагч, 14.6 мянган ажил олгогчийн 147.5 мянган албан журмын даатгуулагчид болон 22.1 мянган тэтгэвэр авагчдад үйлчилгээ үзүүлж байна.

ЧД-ийн Нийгмийн даатгалын хэлтсийн “Call Center” лавлах 70007790, 70007798 дугаарын утсанд өдөрт дунджаар 76, сард 1597 даатгуулагч, иргэдийн дуудлага ирж, тэдэнд хариу мэдээлэл зөвлөгөө өгч түргэн шуурхай ажиллаж байна.

Түүнчлэн Нийгмийн даатгалын багц хуулийн шинэчилсэн найруулгыг хэрэгжүүлэхэд иргэд, даатгуулагчдын зүгээс тавьж байгаа санал, НД-ын ажилтнуудад тулгарч буй бэрхшээл анхаарах асуудлаар санал солилцлоо.