НИЙСЛЭЛИЙН ХҮҮХДИЙН ЗӨВЛӨЛИЙН АНХДУГААР ЧУУЛГАН ЗОХИОН БАЙГУУЛАГДАЖ БАЙНА.

Хүүхдийн эрхийн тухай хуулийн 6 дугаар зүйлийн 6.1.5 “ Хүүхэд чөлөөтэй бодож сэтгэх, өөрөө эсхүл бусдаар дамжуулан үзэл бодлоо чөлөөтэй илэрхийлэх” , 8 дугаар зүйлийн 8.1.1 “хүүхэд нас, бие, сэтгэхүйн онцлогт тохирсон хуулиар эрхийг хангах, эрх нь зөрчигдөхөөс урьдчилан сэргийлэх, хүүхэд хамгаалал, хөгжлийн ажлыг гэр бүл, олон нийтийн оролцоо, дэмжлэгт тулгуурлан холбогдох байгууллагатай хамтран зохион байгуулах” тус заалтуудыг үндэслэн нийслэлийн Хүүхдийн зөвлөлийн чуулганыг 2023 оны 07 сарын 17-ны өдөр Нийслэлийн иргэний танхимд зохион байгуулж байна.

Энэ удаагийн чуулганар Нийслэлийн хүүхдийн зөвлөлийн удирдах зөвлөл болон нарийн бичиг, нийслэлийн хүүхдийн зөвлөлийн тэргүүнийг сонгох юм.

Мөн өмнөх онуудад Нийслэлийн хүүхдийн зөвлөлөөс зохион байгуулагдсан үйл ажиллагааны тайланг танилцуулж цаашдын үйл ажиллагааг төлөвлөх юм.

Хүүхдүүдийн тэгш оролцоог хангаж, эрх ашиг сонирхлыг дэмжих, хүүхдүүдийн эвлэлдэн нэгдэх боломжийг бүрдүүлэх, Монголын Хүүхдийн Зөвлөлийн дүрмийн дагуу тэргүүн, дэд тэргүүнийг сонгоход чуулганы зорилго оршино.

#тэгш_оролцоо_хязгааргүй_боломж