​ЭРҮҮЛ МЭНДИЙН ДААТГАЛЫН СТРАТЕГИЙН ХУДАЛДАН АВАХ ЧАДАВХИЙГ БЭХЖҮҮЛЭХ СУРГАЛТ БОЛЖ БАЙНА

ЭМДЕГ-аас Эрүүл мэндийн даатгалын үндэсний зөвлөлийн 2023 онд шинээр болон шинэчлэн баталсан тогтоол, холбогдох хууль, журмыг танилцуулж мэдээлэл, зөвлөгөө өгч нэгдсэн нэг ойлголтод хүрэх дотоод сургалтыг зохион байгуулж байна.

ДЭМБ-ын дэмжлэгтэйгээр зохион байгуулагдаж буй өнөөдрийн сургалтад ЭМДЕГ-ын дарга Л.Бямбасүрэн, ДЭМБ-ын зөвлөхүүд болон ЭМДЕГ-ын өөрийн сургагч багш нар оролцож санхүүжилтийн шинэчлэл, стратегийн худалдан авалтын концепц, бүх нийтийн эрүүл мэндийн хамралт болон шинээр батлагдсан тогтоол, дүрэм, журмыг боловсруулахад баримтлах зарчим, өөрчлөлт шинэчлэлтэй холбоотой мэдээлэл өгч, гарч буй үр дүнг танилцуулах юм.

Эрүүл мэндийн даатгалын санхүүгийн шинэчлэлийн хүрээнд хийгдэж буй энэхүү сургалтыг өнгөрсөн 8 дугаар сард 21 аймаг 2 дүүргийн ЭМД-ын хэлтсүүдэд бүсчилсэн хэлбэрээр зохион байгуулсан бол өнөөдөр ЭМДЕГ-ын төвийн 100 гаруй албан хаагчдыг хамруулан зохион байгуулж байна.