Өрхийн эрүүл мэндийн төвүүдийг чадавхжуулах нэгдсэн сургалт зохион байгууллаа

Эрүүл мэндийн даатгалын үндэсний зөвлөлийн 2023 оны ээлжит хуралдаанаар ЭМД-ын сангаас үзүүлэх тусламж, үйлчилгээний жагсаалт төлбөрийн хэмжээ болон холбогдох журмуудыг шинэчлэн баталсан.

Энэхүү шинэчлэлийг төрийн болон хувийн хэвшлийн гэрээт эрүүл мэндийн байгууллага болон олон нийтэд сурталчлан таниулах ажлыг ЭМДЕГ-аас тогтмол зохион байгуулан ажиллаж байна.

Үүнтэй холбоотойгоор ЭМДЕГ-аас нийслэлийн өрхийн эрүүл мэндийн төвийн 250 гаруй эмч, мэргэжилтнүүдийг хамруусан чадавхжуулах сургалтыг зохион байгууллаа.

ДЭМБ-ын санхүүжилтээр зохион байгуулж буй энэ удаагийн сургалтад ЭМДЕГ-ын дарга Л.Бямбасүрэнгээр ахлуулсан газар, хэлтсийн дарга, ДЭМБ-ын зөвлөхүүдтэй хамтран оролцож "ЭМДҮЗ-ийн 06, 07 дугаар тогтоолын хүрээнд өрхийн эрүүл мэндийн төвд олгох санхүүжилт хэрхэн нэмэгдэж байгаа талаар танилцуулж, анхан шатны эрүүл мэндийн төвөөс үзүүлэх тусламж, үйлчилгээний гүйцэтгэлийг хэрхэн үнэлэхээс гадна цахим системд хэрхэн ажиллах талаар дэлгэрэнгүй мэдээлэл, зөвлөгөө өгч, эмч мэргэжилтнүүдийн сонирхсон асуултад хариуллаа.

0

0

0

0

0

0

0