Ч.Өнөрбаяр: ШЕЗ-ийг зад шүүмжилж байсан Ерөнхий сайддаа гомдохгүй яасан юм бэ, шүүхийнхэн

Цаг үеийн зарим асуудлын хүрээн АН-ын дэд дарга Ч.Өнөрбаяраас тодрууллаа. 

Тэрбээр "Эрх баригчид Эрүүгийн хуулиар байнга оролддог боллоо. Дарга нарыг шүүмжилсэн сэтгүүлчид болон иргэдийг хууль, цагдаагаар айлгадаг мөн шоронгоор айлгадаг боллоо гэдгийг би анхааруулсаар л байна. 

Хөгжлийн гарц хайж байгаа улсад эрх баригчид нь хөгжлийн бодлогын хуулиуд болон хүний эрхийг хамгаалах чиглэлд анхаач ажиллах байлаа.Гэтэл эсрэгээрээ Эрүүгийн хууль, шорон л ярьдаг болсон. Сэтгүүлчид эрэн сурвалжлах эрхтэй.Тэд мөн мэдээллийн нууцыг чандлан хадгалах үүрэгтэй. Сэтгүүлчдээр дамжуулж иргэд Үндсэн хуулиар олгосон мэдэх эрхээ эдэлдэг. Заавал хүнийг цагдан хорьж шалгадаг буруу арга барилаас хуулийн байгууллагууд салах хэрэгтэй. Хуучин цагт нухчин дарж, цээрлүүлэхийн тулд цагдан хорьдог байсан хуучирсан арга. Шүүхийн хараат бус байдалд эрх мэдэлтнүүд нөлөөдөг, тэндээс хамгаалахын тулд ШЕЗ ажиллаж байгаа. Ерөнхий сайд Л.Оюун-Эрдэнэ хэвлэлээр шүүгч нар руу дайрч, цол гуншин хүртэл өгч байсан. Н.Өнөрцэцэг ийм байдал гаргаагүй. Ерөнхий сайдыг ШЕЗ-д халдлаа гэж гомдол гаргах нь яасан юм бэ" гэлээ.