П.Эрхэмбаяр: Н.Өнөрцэцэгт холбогдох асуудлын процессыг ном журмын дагуу явуулаагүй байна

Сэтгүүлч Н.Өнөрцэцэгийн өмгөөлөгчид цаг үеийн асуудлаар мэдээлэл хийлээ. 

Өмгөөлөгч П.Эрхэмбаяр "Өчигдөр сэтгүүлч Н.Өнөрцэцэгтэй уулзсан. Хорих ангид биеийн байдал, сэтгэл санааны байдал нь ямар байх нь ойлгомжтой.  “2023 оны арваннэгдүгээр сарын сүүлээр сэтгүүлч Н.Өнөрцэцэг бид хоёр Мөрдөн байцаах албан дээр очиж уулзахад, "Сэжигтнээр мэдүүлэг авна" гэх эрх, үүрэг танилцуулахад нь сэжигтний мэдүүлэг өгсөн. Дараа нь яллагдагчаар татсан тогтоолыг танилцуулах хуулийн зохицуулалттай. Харамсалтай нь, танилцуулж эхлээгүй явуулсан. 

Хоёрт прокурорын газраас "Н.Өнөрцэцэг сэтгүүлчид прокурорын мэдэгдэх хуудсыг нийт зургаан удаа өгснөөс хоёр удаад нь ирэхдээ гарын үсэг зураагүй гэж" мэдээлэл өгсөн. Харамсалтай нь үлдсэн дөрвөн удаагийнхад Эрүүгийн тухай хуульд хэн гэдэг хүн, хэдэн цагт өгсөн талаар баримтууд авагдсан байх ёстой байсан ч аваагүй байсан. Эрүүгийн хэргийг хянан шийдвэрлэх тухай хуульд хоёр нөхцөл байдал үүссэн тохиолдолд яллагдагч болдог. Нэгдүгээр, яллагдагчаар татсан тохиолдолд тухайн хүн гарын үсэг зурсан байх ёстой. Хэрэв тухайн хүн гарын үсгээ зурахгүй гэвэл мөрдөгч мэдүүлгийг нь уншиж өгч, танилцуулаад тэмдэглэл хийдэг. Ингэж тэмдэглэл хийсэн бол мөн яллагдагч болно. Гэтэл зургаан удаа дуудсан гээд байгаагийнхаа дөрөвт нь мөрдөгч тэмдэглэл бичээгүй. Ингээд цагдан хорьё, хилийн хориг тавья гээд саналуудыг прокурорын байгууллагаас шүүх рүү өгөөд байсан.Үүнтэй холбоотой, өмгөөлөгчийн зүгээс холбогдох, гомдол хүсэлтүүдийг өгөөд явж байна.

Мөн СХД-ийн шүүгч Чингэлтэй дүүргийн шүүхийн шийдвэрийг хүчингүй болгосон. Одоо Чингэлтэй дүүргийн шийдвэр хүчинтэй эсэх тодорхойгүй байна. Ийм зөрчил гарсан. Өмгөөлөгчийн баг холбогдох арга хэмжээ авч, ажиллаж байна" гэлээ.