МИК ипотекийн зээлээр баталгаажсан ээлжит бонд гарлаа

Монголын ипотекийн корпораци (МИК)-с СЗХ-ны тусгай зөвшөөрлийн дагуу банкнуудын олгосон ипотекийн зээлийг багцлан худалдан авч, 195 тэрбум төгрөгийн 30 хүртэлх жилийн хугацаатай ипотекийн зээлээр баталгаажсан бонд (ИЗББ)-ыг гаргалаа.

Энэ удаа МИК-д шилжсэн 33-р багцад багтсан 2,482 өрхийн ипотекийн зээлийн 42 хувь нь гэр хорооллоос орон сууцанд шилжсэн бол 27 хувь нь орон нутгаас, 76 хувь нь 20-39 хүртэлх насны залуус байгаа нь 2013 оноос хэрэгжиж буй хөнгөлөлттэй хүүтэй орон сууцны ипотекийн зээлийн хөтөлбөр нь залуу гэр бүлийг дэмжих, агаар хөрсний бохирдлыг бууруулах чиглэлд хувь нэмэр оруулж байгааг илтгэж байна.

Ипотекийн зээлээр баталаажсан гучин гуравдугаар ээлжийн багц нь Монголбанкнаас баталсан “Орон сууцны ипотекийн санхүүжилтийн журам”, Засгийн газраас баталсан “Орон сууцны хөнгөлөлттэй зээлийн санхүүжилтийн журам”-ын дагуу Улаанбаатар хотын 8 дүүрэгт болон хөдөө орон нутагт олгосон зээлүүд багтсан. 2023 оны 7-р сарын 3-ны өдрөөр тасалбар болгон худалдан авах жагсаалтад орсон зээлийн хөрөнгийн багцын үзүүлэлтийг танилцуулж байна.