ТАЛАРХАЛ: Хэлэлцүүлгийн зардалд 911 гүйлгээгээр 5 сая 448 мянган төгрөгийн хандив цугларчээ

Эх орноо хамгаалахаар эр цэрэгт мордоод эрэмдэг зэрэмдэг болоод ирдэг, эсвэл бүр энэ хорвоогийн хүн биш болсон тохиолдлууд дэндүү олон. Энэ байдлыг засч, салбарыг тэр чигт нь цэвэрлэх шаардлагын хүрээнд цэргийн хохирогч, тэдний ар гэрийнхнийг оролцуулсан "Дахиад өгөх амь алга, одоо зогс" хэлэлцүүлгийг өчигдөр /2023.11.21/ зохион байгуулсан юм. Уг хэлэлцүүлгийг зохион байгуулахад танхим түрээслэх, хэвлэлтийн зэрэг 6 сая төгрөгийн зардал гарсан бөгөөд иргэд олон нийтээс нийт 5 сая 448 мянган төгрөгийн хандив цугларсан юм.

Би хүүтэй аав, арми цэвэр байгаасай, Заригийн хандивт нэгдэв, далайд дусал нэмэр, Өнөрөө амжилт зэрэг утгаар 1000 төгрөгөөс эхлээд 200 мянган төгрөг хүртэлх дүнгээр нийт 919 гүйлгээгээр хандив цугларсан байна. Бидний зохион байгуулсан үйл ажиллагааг дэмжиж хандив өргөсөн олон нийт та бүхэндээ мянга мянган цэрэг эрсийн өмнөөс талархаж буйгаа илэрхийлж байна.

Өнгөрсөн хугацаанд хохирсон цэргүүд, тэдний ар гэрийнхний асуудал сайнаар шийдэгдэх, одоо цагт дахин цэрэг амь нас, эрүүл мэндээрээ хохирохгүй байх, ирээдүйд хүүхэд залуус хохироргч болох вий гэх айдасгүйгээр цэрэгт морддог цэргийн алба байгууллагыг бий болгоход хэвлэл мэдээлэл дуу нэгтэй ажиллах болно.