"Миний дүүгийн үхлээр цэргийн үхэл дуусаг"

Зариг.мн редакциас зохион байгуулж буй  “Дахиад өгөх амь алга, одоо зогс” хэлэлцүүлэг  үргэлжилж байна. 

Энэ сарын 13-ны өдөр Зэвсэгт хүчний 326 дугаар ангийн байлдагч Д нас барсан харамсалтай хэрэг гарсан билээ. 

Талийгаачийн хамаатан н.Эрдэнэтуяа хэлэлцүүлгийн үеэр ярихдаа тэрбээр "Цэрэг арми, шорон хоёрын ялгаа юу вэ, ялгаа байдаг уу. Би үүнийг асуух гэж ирсэн. Надад бол ялгаа харагдахгүй байна. Та нар хийж байна, шалгаж байна, төлөвлөж байна гэж ярихаас өөр юу хийж байгаа юм бэ. Эцийн үр дүнд нь цэргүүд амь насаа алдаж байна. Та нар хүн юм уу. Хүүгээ эр цэргийн албанд явуулсан эцэг эхчүүд үүргээ хүлээж л эх орноо хамгаалуулахаар явуулсан. Гэтэл амьд явах эрх нь хаана байна, би үнэхээр харамсч байна. Хийж байна, судалж байна гэж ярьдгаа боль та нар, ард түмэн тэнэг биш. Миний дүүгийн үхлээр цэргийн үхэл дуусаг,  тэр хүртэл эцсээ хүртэл тэмцэнэ. Эр цэргийн алба гэдэг хувийн байгууллага биш. Бүх газар нь тайлангаа тавь, Та нар иргэддээ нээлттэй ажлаа тайлагна. Миний дүү болон бусад амиа алдсан цэрэг эрс босч ирэхгүй. Бид насаа сэтгэл санааны дарамтад орж байна. Та нар нөхөн төлбөрийг нь олгох ёстой" гэлээ.