Б.Энх-Амгалан: Миний хүү саяхан тангаргаа өргөсөн, "муу юм болох вий бурхан минь" гэж бодож сууна

Зариг.мн редакциас зохион байгуулж буй  “Дахиад өгөх амь алга, одоо зогс” хэлэлцүүлэг үргэжилж байна. 

Хэлэлцүүлэгт УИХ-ын гишүүн, УИХ-ын Аюулгүй байдал, гадаад бодлогын байнгын хорооны дарга Б.Энх-Амгалан оролцож байна. Тэрбээр "Хүмүүсийн яриаг сонсч байхад хэдийгээр хүү нь босоод ирэхгүй ч гэлээ олон аавын хүү цэрэгт алба хааж байгаа, цаашдаа ийм зүйл гарч болохгүй гэдгийг эцэг эхчүүд ярьж байна. Мөн сэтгэл л  нэхэж байна. Хүний ёсоор хүнд хандаач гэж сэтгэл нэхэж байна.  Үүнийг анги, хүчний байгууллагын удирдлагууд гардан хэрэгжүүлэх ёстой, мөн үүрэгтэй. 

Би бодож суулаа. Миний хүү цэргийн алба хаадаг, би мөн цэргийн алба хаасан. Цэргийн хүн. Миний хүү саяхан тангаргаа өргөөд Батлан хамгаалахын Их сургуульд сурч байгаа. Ийм болчихвий дээ, бурхан минь гэж бодож суулаа. Та нартай адилхан бодоод л сууж байна. Шат шатандаа онцгой анхаарч ажиллана" гэлээ.