БАРИМТ: 5 цэрэг тутмын нэг нь дүрмийн бус харьцааны зөрчилд өртөж байна.

Таван цэрэг тутмын нэг нь дүрмийн харьцаанд өртөж байгаа нь бага тоо биш юм. Сүүлийн 15 жилд цэргийн албанд дүрмийн бус харьцааны зөрчлийн тоо хэмжээ тодорхой түвшинд буурсан талаар ХЭҮК-ийн 21 дэх илтгэлд дурджээ. Гэвч тоо буурсан болохоос огт алга болсон гэсэн үг биш. Цэргийн албанд ялгаварлан гадуурхах, заналхийлэх сүрдүүлэх, хүч хэрэглэх зодох, мөнгө эд зүйл шаардах, доромжлох хараах, нэр хоч өгөх, бусдаар зодуулах зэрэг дүрмийн бус харьцааны хэлбэр амь бөх оршсоор байна. 

Эх сурвалж: ХЭҮК-ийн 21 дэх илтгэлээс 

2006 онд хүч хэрэглэх, зодох дүрмийн бус харьцаа 22.5 хувьтай байсан бол 15 жилийн хугацаанд 50 хувиар буурч 11 хувьд хүрчээ. Энэ нь мэдэээлэл олон нийтэд нээлттэй болж байгаагийн үр дүн байж болох ч нөгөө талд цэргийн албанд бусдыг дэглэх, зодох гэдэг ойлголт байсан хэвээр байна. Үүний хор уршгаар олон залуус амь нас эрүүл мэндээрээ хохирч байгааг бид харж байна.