Н.Алтанхуяг: МАН-ын бүлэг Г.Сайханбаяр сайддаа арга хэмжээ ав

УИХ-ын чуулган хуралдаан эхэллээ. 

Хуралдааны эхэнд  Хянан шалгах түр хорооны бүрэлдэхүүнд өөрчлөлт оруулах тухай асуудал /Төрийн болон орон нутгийн өмчит, өмчийн оролцоотой зарим компаниудын үйл ажиллагаанд хяналт шалгалт хийх, хяналт шалгалтын тайланг Улсын Их Хуралд танилцуулж байна. 

Хэлэлцэх асуудлуудын өмнө УИХ-ын гишүүд байр сууриа илэрхийлэв. 

УИХ-ын гишүүн Н.Алтанхуяг "Ажил хийхгүй юм уу та нар, хаа сайгүй сонгуульд бэлдсэн хүмүүс. Төсвийн мөнгөөр л сонгуульд бэлдээд байх юм. Батлан хамгаалахын сайд нь "Тэр цэрэг ямар байдалтай байсныг би мэднэ гэж" хэлж байсан. Сайдын мэддэг нэг ширхэг цэрэг байхгүй. Танай бүлэг тэр сайддаа арга хэмжээ авахгүй юмуу. Энх тайван цагт маш олон ардын хүүхэд үхэж, үрэгдэж байна. Хүүхдээ цэрэгт явуулсан болохоос биш оршуулгын газар явуулаагүй биз дээ. Та нар арга хэмжээ аваарай. Төсөв баталчихаад та нар их баяр баясгалантай суугаад байна, тийм юм байхгүй шүү. Цаана чинь ард түмний амьдрал улам дордсон" гэлээ.