Г.Сайханбаяр: Ханиад, хатгаа, зүрхний асуудалтай таван байлдагч Цэргийн төв эмнэлэгт хэвтсэн

Батлан хамгаалахын сайд Г.Сайханбаяр сэтгүүлчдэд өгсөн мэдээлэл өглөө. 

Тэрбээр "Барилга байгууламж, хөрөнгө оруулалттай холбоотой асуудал хүнд байгаа. Ялангуяа цэргийн байр, хичээлийн байрны хөрөнгө оруулалтыг хийж чадахгүй байгаа. Нийт төсвийнхөө 80 гаруй хувийг зөвхөн цалинд зарцуулж байна. Нөхцөл байдал ер нь хүнд байгаа. Хэрэгцээ шаардлага байгаа. Та бүхнийг бодит байдалтай нь очиж танилцахыг урьж байна.

Цэргийн албанд татагдах үйл явцаас харахад эрүүл мэндийн асуудал хүнд байгаа нь харагддаг. 30-42 хувь нь эрүүл мэндээр тэнцдэггүй. Гэсэн ч өвчний заалтаас шалтгаалж эмчлэх боломжтой хүүхдүүдийг цэргийн албанд татаж байгаа. Зэвсэгт хүчний 326 дугаар ангид байгаа цэргүүдийг дахин эрүүл мэндийн үзлэгт хамруулахад зургаан цэрэг зүрх судас болон, ханиад, хатгаа гэдэг оношоор Цэргийн төв эмнэлэгт хэвтэн эмчлүүлэхээр болж эмчилгээндээ орсон байна.