Г.Сайханбаяр: Цэрэг гадны нөлөөгүй амиа алдсан, хэрэв буруутай нь тогтоогдвол би ч хариуцлага хүлээхэд бэлэн

Өнөөдрийн Засгийн газрын хуралдаанд Батлан хамгаалахын сайд Г.Сайханбаяр мэдээлэл өгсөн. Тэрбээр сэтгүүлчдэд өгсөн мэдээлэлдээ "Анги салбартай эцэг эхчүүдийг танилцуулсан. Бид мэдээллийг эхнээс нь ил тод өгөхийг зорьж байна. Цэргийн байрны камерын бичлэг бүгд байгаа. Эцэг эхчүүд нь үзсэн, харсан. Одоо бид шүүх шинжилгээний хариуг л хүлээж байна. Биед ил харагдах болон гадны нөлөө байхгүй гэдгийг урьдчилсан байдлаар бол хэлж байгаа. Бид ар гэр, найз нөхөд, төрөл төрөгсдөөс нь уучлалт гуйж байгаа. Хэрвээ манай цэргийн алба харилцааны зөрчилтэй, гэмт хэргийн шинжтэй байвал би хүртэл хариуцлага хүлээхэд бэлэн байна. Цэргийн албанд ямар нэг төрлийн дэглэлт гэдэг зүйл байхгүй. Хуулинд оюутныг цэргийн албанаас чөлөөлнө гэдэг ойлголт байхгүй. Цэргийн албанд татагдаж ирсэн залуучуудын 21 хувь нь оюутнууд байгаа" гэв.