12 настай бяцхан охины дурсгалд зориулан бүтээсэн "The Angel" кино олон улсын шагнал хүртжээ

FNI /Film Network Ireland/ Ирландын кино нийгэмлэгээс 2023.10.20-22-ны өдрүүдэд зохион байгуулсан “FNI FAST FEST” 72 цагийн кино наадамд Ирландад ажиллаж амьдарч буй залуус Монгол улсаа төлөөлөн оролцож “The Minding Creative Minds” шагналыг “The Angel” бүтээлээрээ хүртлээ. 

72 цагийн кино наадамд Монголын баг “The Minding Creative Minds” шагнал хүртсэн байна. Уг бүтээлийг Дорноговь аймагт харамсалтайгаар амь насаа алдсан 12 настай бяцхан охины дурсгалд зориулсан байна.

Өчигдөр буюу 2023.11.14-ний өдөр FNI Awards болж, дэлхийн өнцөг булан бүрээс ирсэн 100 орчим залуус оролцож, нийт 18 богино хэмжээний кино бүтээлээр өрсөлдсөн юм.

Уран бүтээлч залуус "бид эх оронд минь болж бүтэхгүй байгаа нийгмийн асуудлыг шигтгэхээс гадна цаг бусаар адгийн хүн араатны гарт амиа алдсан хөөрхий 12 настай бяцхан охины дурсгалд зориулж "The Angel" гэж нэрлэсэн юм шүү. Сэтгэл зүрх, цаг заваа зориулан нэгдэж “The Angel” киног бүтээсэн Найруулагч Б.Балжинням, туслах найруулагч, жүжигчин Б.Чойжамц, продакшн менежер З.Өлзийдарь, зураглаач Ж.Төгөлдөр, зураач Д.Энхжаргал, дууны найруулагч, эвлүүлэгч Б.Бат-Очир, жүжигчин Г.Содбаяр, О.Ундармаа, Д.Сайханжаргал нартаа талархал илэрхийлье" гэжээ.