Талийгаачийн ээж: Би хүүгээ үхүүлэх гэж цэрэгт явуулаагүй

Зэвсэгт хүчний 326 дугаар ангид алба хаагаад 20 гаруйхан хонож байсан оюутан залуу  өнгөрсөн шөнө буюу арваннэгдүгээр сарын 12-ноос 13-нд шилжих шөнө нас барсан харамсалтай хэрэг явдал гарсан. 

Гарсан хэрэг явдалтай холбоотойгоор дотоод хяналт шалгалтынхан ажиллаж, албаны хүрээнд энэ процессын талаар үнэн мөнийг тогтоохоор ажиллаж байна гэж албаныхан мэдээлсэн. Энэ талаар Зэвсэгт хүчний хуурай замын ерөнхий командлагч, бригадын генерал Ч.Цогтжаргал хэлэхдээ "Өглөө 06:00 цагт бослого эхэлдэг. Харин бослогын дохиогоор босохгүй байсан тул байлдагчийг амь насаа алдсаныг манай үүрэг гүйцэтгэгч, алба хаагч нар мэдсэн байна. Үзлэг шалгалт тухайн анги дээр хийгдэж байгаа тул тийшээ ар гэрийхэнийг нь оруулах боломжгүй байгаа. Цагдаагийн байгууллага болон Шүүх шинжилгээний газраас эцсийн дүгнэлтийг гаргана" гэсэн мэдээллийг өгсөн. 

 Талийгаачийн ар гэрийнхэн хоёр зүйлийг хүсч байгаа юм. Нэгт, цэргийн ангийнх нь камерын бичлэгийг үзэх мөн ангийн алба хаагчидтай нь уулзах хүсэлтийг тавьж буй. 

Тиймээс  326-р цэргийн ангийн гадна ЗХЖШ-ын дарга нарыг хүлээж байна. Энэ үеэр талийгаачийн ээж "Даанч дээ, яасан гэж миний хүүг ингэж байгаа юм бэ, би гомдолтой байна. Сайхан үрийг минь яаж байгаа юм бэ, яасан гэж ингэж байгаа юм, би үхүүлэх гэж хүүгээ цэрэгт явуулаагүй, би хүүгээс цэргээс нь гаргах гэж их хөөцөлдсөн" гэлээ.