Иргэн Т.Нэргүй: Замын-Үүдийн гаалийнханы хууль бус үйлдлийг шүүмжилсний төлөө миний ачаа барааг явуулахаа больсон

Гаалийн байгууллага татварын байгууллага болсон. Татвараар шахаж ард иргэдээ дарамтад оруулж байна. Замын-Үүдийн гаалийнхны хууль бус үйлдлийг шүүмжилсний төлөө миний ачаа барааг явуулахаа больсон гэж олон нийтэд хандан мэдээлэл хийсэн иргэн Т.Нэргүйгийн байр суурийг хүргэж байна.

Тэрбээр хэлэхдээ, "Гаалийн байгууллага татварын байгууллага болсон. Татвараар шахаж ард иргэдээ дарамтад оруулж байна. Өнөөдөр иргэн Т.Нэргүйгийн ачаа тонн тутамд 400 мянга байна уу? 500 мянга байна уу? тэдний хэлсэн үнэлгээгээр төлж чадах юм бол гацахгүй явна. Хямдхан барилгын материал ороод ирэхээр гацаагаад зогсоочихно.

ГЕГ-ын дарга Р.Отгонжаргал гэж хүн арай хэрээс хэтэрч байна. Түүний төрсөн эгч Р.Бурмаа нь Улаанбаатар хотоос Замын-Үүдийн гаалийн байцаагчдыг удирдуулаад сууж байна. Р.Бурмаагийн гар хөл болсон гурваас дөрвөн хүн байдаг.

Миний 1600 доллароор үнэлэгдэх тос тосолгооны материал шингэнийг Замын-Үүд боомтын дарга өөрөө очоод үнэрлэсэн юм шиг тайлбар хийж байна лээ. Замын-Үүдийн гааль мафи болсон. Намайг зориг гаргаад "Шүгэл" үлээснээс үүдэн миний ачааг явуулахгүй байна.

Би бол компанийн итгэмжлэгдсэн төлөөлөгч ард иргэдийн төрөл бүрийн түүвэр ачааг явуулж байгаа иргэн хүн. Надад хэн нэгэн том компани болон намын захиалга байхгүй" гэлээ.