Х.Нямбаатар: Ногоон автобусны хэрэг удахгүй шүүх рүү шилжинэ

НИТХ-аар Нийслэлийн 2023 оны төсвийн тодотголыг хэлэлцэж байна. Энэ удаагийн төсвийн тодотголд орон нутгийн төсвийн урсгал болон гүйцэтгээгүй хөрөнгө оруулалтын ажлуудыг дахин тодотголоо. Түүнчлэн нийслэлд барьж байгаа 37 сургууль, цэцэрлэгийн ажлыг энэ онд гүйцэтгэлийн дүнгээр нь санхүүжүүлэх, хот, нийтийн аж ахуйн тоног төхөөрөмжийг шинэчлэх, бүтээн байгуулалтад шаардлагатай газар чөлөөлөлтийн ажлыг санхүүжүүлэх зэрэг чиглэлийг тусган төсвийн тодотголын үндсэн агуулгыг боловсруулсан. Эх үүсвэрийн тухайд урсгал зардлыг хэмнэж, нийслэлийн нутгийн захиргааны байгууллагуудад чиг үүрэг, мандатын шинжилгээ хийн, бүтцийг нь шинэчилнэ” гэж хотын дарга танилцуулсан.

Энэ үеэр хотын дарга Х.Нямбаатар: "Аз жаргалтай Улаанбаатар" зэрэг фантастикийн яриагаа одоо больё. Аль болох бодитой, уянгын халилгүйгээр тулгамдсан асуудлаа шийдэрлэе. Шөнийн цагийн түгээлтийг зогсооё гэж би худалдаа эрхлэгчдэд хэлсэн. Ингэхдээ СХД, Баянзүрх талдаа Барс, Нарантуул захуудыг орлохуйц том агуулах худалдаа, тээвэр ложистикийн төв байгуулахад нийслэлээс газар, дэд бүтцийг нь шийдэж өгье гэж хэлсэн. Ингэвэл түгжрэл буурна. 

 Шөнийн цагийн түгээлтийг зогсоож, "Нарантуул руу Монгол Улс тэр чигээрээ очиж бараагаа татан авдаггүй байх зохицуулалт хийхийг дэмжсэн. 

Нийслэлийн нийтийн тээвэрт маш олон жил угшсан, ААН-тэйгээ хуйвалддаг авлигын тогтолцоо бий болсон. Өмчийн харилцааны газар нь зориуд шүүх дээр ялагдаж өгдөг авлигын тогтолцоо байгаа, газрын алба ялгаагүй. Энэ бүхнийг засахын тулд энэ хуульд нийслэлээс газар дахин олгохгүй гэж оруулсан. 

Хэдүүлээ, зөв зүйлийн төлөө хамтдаа урагшаа явья. 

Автобусны хариуцлагын асуудлыг хөндөж байгаа нь зөв. Би бүх дарга нарыг нь шалгуулья гээд өргөдөл өгсөн, АТГ дээр дуудаж байгаа. Мөрдөх байгууллага нь шийднэ. Удахгүй энэ хэргийг шүүхэд шилжүүлэх асуудал яригдаж байгаа юм билээ, өөр нарийн мэдээлэл алга. 

Дараагийн автобусыг худалдан авах ажлыг нээлттэй зохион байгуулж байна. Хамгийн хямд байх мөн чанартай байх гэсэн зарчмаар явж байгаа. Аж ахуйн ажил хийж эхлэхээрээ хүн зовлонг нь ойлгодог юм байна" гэлээ.