"TRIO" УСК 15 улсаас 19 дэх шагналаа авлаа

Маск хамтлагийн жүжигчин Д.Баттөмөр буюу Батаа өнгөрсөн ковидын үеэр дауны өвчинтэй хүүгийн амьдралаар “Трио” нэртэй кино хийсэн.Хүний эрх, эрх чөлөө, ялгаварлан гадуурхалтын эсрэг кино урлагаар дамжуулж олон улсад дуу хоолойгоо өргөж буй  "Trio"  арт драма таван тивийн 15 дахь орноосоо 19 дэх навчаа хүлээн авчээ.

Энэ удаа АНУ-д 11 дэх жилдээ зохион байгуулагдсан "Free Speech Film Festival 2023" буюу "Үг хэлэх эрх чөлөө кино наадам" байв. 

Уг наадамд долоон  тивийн 48 орны хүний эрхийн чиглэлээр хийгдсэн кино бүтээлүүдтэй өрсөлдөж шилдэг зургаан киноны нэгээр шалгарчээ. 

Түүнчлэн өнгөрөгч гуравдугаар сарын 21-нд Дэлхийн дауны хам шинжтэй иргэдийн эрхийг хамгаалах өдөр Швейцарь улсын нийслэл Женев дэх НҮБ төв байранд "TRIO" кино гарсан бол  удахгүй буюу энэ оны арваннэгдүгээр сарын 17-нд Франц улсын нийслэл Парис хотын Юнеско дээр гарахаар товлогдлоо. Хүний эрхийн хүрээнд хүртээмжтэй нийгмийг цогцлоохын төлөө таван тивийн 15 улсаас 19 шагнал авахаас гадна Дан ганц фестиваль наадам гэж хөөцөлдсөнгүй Тэд хүний эрх, эрх чөлөөний төлөө дуу хоолойгоо өргөсөөр байна.