OCOUTURE брэнд "SEOUL 2024 FASHION SHOW"-гаа амжилттай зохион байгууллаа

Энэ сарын 3-нд Азийн томоохон загварын фестивалиудын нэг болох “Asia Model Festival” фестивальд ирсэн зочид төлөөлөгчдөд OCOUTURE брэндийн үндэсний, гоёлын коллекцуудаас гадна ноолууран цоо шинэ брэндийн дээжээсээ танилцууллаа.

OCOUTURE брэндийн үүсгэн байгуулагч, Ерөнхий дизайнер Д.Отгонжаргал 20 гаруй орны дизайнеруудаас шалгаран 2023 оны АЗИЙН ШИЛДЭГ ДИЗАЙНЕР-аар шалгарсан бөгөөд Д.Отгонжаргал дизайнерын хувьд 2015 оны “Asia Model Festival”-аас мөн адил “Asia Best Designer” шагнал хүртэж байсан ба энэ жилийн шагнал түүнийг хошой шилдэг дизайнер болголоо.

 
Мөн жил бүр загварын салбараа хөгжүүлэх зорилтын хүрээнд хийдэг OCOUTURE FASHION SHOW 2024-т зориулан баг хамт олноороо Солонгос орны үзэсгэлэнт түүхэн газруудаар зураг авалт, контент бүтээх ажлуудыг амжилттай зохион байгуулаад ирсэн бөгөөд тун удахгүй контент, зураг авалт зэрэг ажлуудаа танилцуулан цаашлаад Монголдоо хамгийн том, нүсэр, чанартай загварын шоуг 9 дэх жилдээ 2023 оны арванхоёрдугаар сарын 1-ы өдөр Зайсан Хилл Эвэнт Холл-д зохион байгуулахаар зорилт тавин ажиллаж байна.
OCOUTURE FASHION SHOW 2024 загварын шоугаар энтертайнмент артистууд, O.Couture брэндийн цоо шинэ ноолуурын брэнд, үндэс, гоёл, аксессуар гээд нийт 108 загварыг Монголын загвар сонирхогчдод танилцуулах нь ээ.