Хоёр давхар ногоон автобус худалдан авах гэрээний заалтад зөрчил гараагүй гэв

Өчигдөр хөдөлгөөнд оролцож байсан хоёр давхар автобусны хөдөлгүүр хэсгээс гал гарсан билээ. НОБГ-ын гал унтраах шуурхай алба найман минутын хугацаанд галыг унтраасан. Хүн бэртэж гэмтээгүй. Урдчилсан байдлаар цахилгааны массаас үүдэн гал гарсан байх магадлалтай бөгөөд шалтгаан нөхцлийг бүрэн тогтоохор НОБГ-ын гал унтраах шуурхай албаны бүрэлдэхүүн хойшлуулшгүй ажиллагаа явуулж байна гэж мэдээлсэн.

Уг хоёр давхар автобуснууд нь долон жилийн баталгаат хугацаатай бөгөөд энэ хугацаанд ашиглалтаас үл хамаарсан гэмтэл гарвал үйлдвэрлэгч хариуцахаар гэрээнд заасан аж. 

Тухайн ногоон автобус нь туршилтаар ирэхдээ хоёр тэнхлэгтэй байсан атлаа одоо яагаад нэг тэнхлэгтэй болсон нь анхаарал татаж байгаа юм. Тэгвэл энэ талаар албаныхан хэлэхдээ "Худалдан авах гэрээнд нэг тэнхлэгтэй 10,5м урт 10ш цахилгаан автобус гэж заажээ. Тэгэхээр гэрээнд зөрчилгүй гэсэн үг. Гэхдээ гэрээ байгуулахаас өмнө туршилтаар явуулсан хоёр автобус нь 12 м урттай, хоёр тэнхлэгтэй байж. Яагаад нэг тэнхлэгтэй, 10,5 м болгож өөрчилж, гэрээнд тусгасан гэдгийг тэр үед ажил хариуцаж байсан хүмүүс тодорхой мэднэ. Цаасан дээр үлдсэн баримтад ингэж тусгасан байна" гэлээ.