"Ерөнхийлөгчийн илгээлт-2100" тэтгэлэгт хөтөлбөрийн оюутнууд Чехийг зорилоо

“Ерөнхийлөгчийн илгээлт-2100” тэтгэлэгт хөтөлбөрийн болзол ханган МУИС-ийн бэлтгэл хөтөлбөрт хамрагдаж Бүгд Найрамдах Чех Улсад суралцах болсон оюутнуудын түрүүч 2023 оны арваннэгдүгээр сарын 8-ны өдөр Прага хотыг зорилоо.

Прага хотын Техникийн их сургуульд дөрвөн оюутан суралцах юм. Монгол Улсаас Чех улсад суух Онц бөгөөд Бүрэн эрхт Элчин сайд Д.Гансүх оюутнуудыг ЭСЯ-ндаа хүлээн авч уулзав. Тэрээр Прага хотын Техникийн Их сургууль нь Чех улсын тэргүүлэх их, дээд сургуулиудын нэг болохыг тэмдэглэж, орон нутгийн шилдэг сурагчаас Европын шилдэг сургуулийн оюутнууд болж байгаад баяр хүргээд сургуульдаа хичээл зүтгэлтэй сайн суралцан аав, ээжийнхээ ачийг хариулж, улс эх орон, нутаг усныхаа бахархал болж явахыг хүслээ.

Мөн оюутны амьдрал, шинээр ирсэн улс орондоо дасан зохицох талаар зөвлөжээ.

Эх сурвалж: БШУЯ