Н.Алтанхуяг: Гишүүдийг гурван тэрбум төгрөгөөр авлигадаж, төсөв батлах гэж байна

УИХ-ын чуулганы нэгдсэн хуралдаан эхэллээ. Хуралдааны эхэнд хэлэлцэх асуудлын дараалалтай холбоотой УИХ-ын гишүүд үг хэлж байр сууриа илэрхийсэн. 

УИХ-ын гишүүн Н.Алтанхуяг:  Тэрбээр "Сонгуулийн төсвийг буцааж авах ёстой. Улсыг өрөнд оруулсан төсөв байж болохгүй. Тойрог дээр чинь 3 орчим тэрбум төгрөг тавина гэж УИХ-ын гишүүдийг авлигадах байдлаар төсөв баталж байна. Ингэж болохгүй. Одоо 76 гишүүнийг хоёроор үржээд энэ тоо өснө. Би УИХ-ын гишүүнээр ажиллаж байх цагаасаа тойрог дээрээ төсөв тавиулж үзээгүй. Энэ үйлдлээ зогсоо Б.Жавхлан. Улсын төсөв юу болж байгаа талаар УИХ дээр асуулга явуулах саналтай байна. Гадаад өрийн удирдлагын талаар Сангийн яамнаас гаргасан байна. 2022 оны байдлаар улсын нийт өр 33.8 тэрбум ам.доллар байна. 2014 онд 21 ам.доллар байсан юм. Гэтэл энэ хугацаанд 12 ам.доллараар улсын өр нэмэгдчихээд байгаа юм. 2022 онд гаргасан Үндэсний аудитын газраас өр нэмэгдэж байна гээд гаргачихсан. Дэлхийн банкнаас Засгийн газрын өр нэмэгдэж, төсвийн зардал хэт өндөр байгаас гадна тогтворгүй байна. Үүнийгээ засаж сайжруул  гэсэн анхааруулгууд байсаар байтал засахгүй юм" гэлээ.