ТӨСӨВ 2024: Дээд шүүхийн засвараас гар татаагүй төсөв сумын эмнэлгийг он дамнуулан барьж байна

Өвөрхангай аймгийн Гучин ус суманд баригдах эмнэлгийн барилгын ажил 2022 онд эхэлжээ. Он дамнуулан барьж буй барилгын анхны төсөвт өртөг нь 1.5 тэрбум бол 2024 оны төсөвт 1.9 тэрбум төгрөг байхаар суужээ. Харин уг барилгын 2024 онд санхүүжих дүн нь 498 сая төгрөг. Гэтэл Улсын дээд шүүхийн их засварыг 8.2 тэрбум төгрөгөөр төсөвлөж ирэх онд 100 хувь санхүүжүүлэх гэж байна.

Алслагдсан сумдад амьдарч буй иргэд эрүүл мэндийн үйлчилгээ авах боломж хязгаарлагдмал байдгаас өвчлөл хүндэрч амь нас эрүүл мэндээрээ хохирох тохиолдол цөөнгүй гардаг. Гэтэл төсөвт сумдын эмнэлгийн барилгыг жил дамнуулах, санхүүжилтийг удаашруулах шаардлага бий юу?