Лүн сумаас: Хонио өчигдрөөс л бэлчээрт гаргаж байна, өвөлжөө рүү машин явах нөхцөлгүй болсон

Аюулт үзэгдэлд өртсөн Алтанбулаг, Заамар, Лүн, Өндөрширээт сумдад урдчилсан байдлаар 3950 толгой мал хорогдож, Эрдэнэсант, Лун сумдад аюулт үзэгдлийн улмаас 7 иргэн амь насаа алдсан, 1 иргэн осголтын хөнгөн зэрэгтэй гэр эмчилгээ хийлгэж байгаа юм байна.

Заригийн сурвалжлах баг Төв аймгийн Лүн суманд ажиллаж байна. Бид тус сумын малчин н.Адьяасүрэнгээс зарим зүйлийг тодрууллаа. Тэрбээр " Манай сумын хувьд нөхцөл байдал хүнд байна. Цасны зузаан их байна. Саяны шуурганаар их хүчтэй, салхины хурд ихтэй их л аюултай байлаа. Шуурга 20 цаг үргэлжилсэн. 24 цагийн дараа малаа бэлчээрээс нь гаргаад байна. Цаг уурын байгууллагаас өчигдөр бас цасан шуургатай гэхээр нь айгаад малаа бэлчээрт  гаргаж чадаагүй. Одоогоор машин тэрэг явах нөхцөлгүй байна. Том техникийн машин л явна гэхээс жижиг тэрэг явахааргүй байна. Сум орон нутгаас том тэрэг ирэх сураг байна. Тэр нь хэзээ  ирж манайхны газруудаар явж зам гаргах юм . Бид тэрийг хүртэл  Намаржаандаа хүлээж байна" гэлээ.

Урьдчилсан байдлаар 785 бог, 35 бод мал хорогдож, 170.2 сая төгрөгийн хохирол учраад байгааг мэдээллээ.Улсын онцгой комиссоос Лүн, Эрдэнэсант суманд шаардлагатай байгаа түлшний дэмжлэг үзүүлж байна.