Баянгол дүүргийн ахмадууд дунд зохион байгуулдаг "Урлагийн наадам" дахин зарлагдлаа

УИХ-ын гишүүн Хассуурийн Ганхуягийн санаачилгаар Баянгол дүүрэгт үйл ажиллагаа явуулдаг Хассуурь сангаас уламжлал болгон зохион байгуулж байгаа Ахмадын Урлагийн Наадам дахин зарлагдлаа.

Залуу халуун насаа улс эх орныхоо хөгжил дэвшлийн төлөө зориулж, ирээдүй хойч үеийнхээ төлөө ажиллаж хөдөлмөрлөж ирсэн ахмад настнуудын дунд зохион байгуулдаг Урлагийн наадамд өнгөрсөн жил Баянгол дүүргийн 1000  орчим ахмад оролцжээ.

Энэ удаад дүүргийн нийт ахмадууд дунд нээлттэй зарлаж байгаа “Урлагийн наадам” дараах гурван үе шаттай явагдах юм байна.

• I үе шат: 2023 оны 11-р сарын 01-ний өдрөөс 11 сарын 10-ны хооронд хороодын шатанд шалгаруулах.
• II үе шат: 2023 оны 11 дүгээр сарын 11,12-ны өдөр Баянгол дүүргийн Төмөр замын соёлын ордонд болно.
• III үе шат: 2023 оны 11 дүгээр сарын 25,26-ны өдөр Улаанбаатар паласт болно.