Б.Жавхлан: Хавдрын эмнэлгийн зураг төсөл нь бэлэн болонгуут төсөвт тодотгол хийгээд ч хамаагүй төсвийг нь шийднэ

Ирэх оны төсөвт хавдрын эмнэлгийн төсөв яагаад суугаагүй вэ гэдгийг Сангийн сайд Б.Жавхлангаас тодрууллаа. 

Тэрбээр "Ирэх жилийн төсвийн хамгийн их хөрөнгө оруулалтыг эрүүл мэндийн салбарт зарцуулж байгаа. "Эс, эд, эрхтэн шилжүүлэх суулгах төв"-ийг 140 тэрбум төгрөгөөр барина. ТЭЗҮ нь маш сайн хийгдсэн. Төсөв өргөн баригдах үеэр хавдрын эмнэлгийн зураг төсөл нь бэлэн болоогүй байсан. Төсөв батлагдах хүртэлх хугацаанд зураг, төсөл нь хийгдээд дуусчихвал бид ажлын хэсэг дээрээ яаж ийж байгаад тавина гэж бодож байна. Одоогоор дэд бүтцийн төсөв нь суусан. Хэрэв зураг, төсөл нь ирэх оны төсөв батлагдаж дууссны дараа орж ирвэл төсөвт тодотгол хийгээд ч хамаагүй санхүүжилтийг нь шийднэ" гэлээ.