Э.Бат-Амгалан: Түгжрэлийг хол явж судлах шаардлага алга, Хөх хотын туршлагаас метротой болох боломжтой

Нийслэлийн авто замын түгжрэлийг бууруулах гарц шийдлийн талаар УИХ-ын гишүүн Э.Бат-Амгалангаас байр суурийг хүргэж байна.

Нийслэл Улаанбаатар хотын түгжрэл тулгамдсан асуудал болоод байгаа нь үнэн. Би хотоос сонгогдсон УИХ-ын гишүүний хувьд Х.Нямбаатар даргатай зөвлөлдөж “Улаанбаатар хотыг хөгжүүлэх хөтөлбөр”-ийн хүрээнд санал солилцон ажиллаж байна.

Өнгөрсөн долоо хоногт миний бие Улаанбаатарт суудалтай намуудын төлөөлөлтэй,  БНХАУ-ын Хөх хотод ажлын айлчлал хийсэн. Бид алс холын Америк, Япон, Англи зэрэг улсаас туршлага судлах шаардлага байхгүй болжээ. Манай хажууханд мянга гаран километрийн зайд байгаа, цаг уурын хувьд ижил,  хүн амын хувьд  гурван сая хүнтэй, Хөх хот утаа, түгжрэлийн асуудлаа зуун хувь шийдсэн байна. Түгжрэлийн асуудал дээр нам харгалзалгүй хамтран ажиллана. Мөн Х.Нямбаатар даргын оруулж ирж байгаа хуулийн төслүүдийг дэмжин ажиллах байр суурьтай байгаа.