Цаг агаарын улмаас зарим нислэгийн цагийн хуваарийг өөрчилжээ

Улаанбаатар хотод нойтон цас орж, авто зам дээр мөсөн бүрхүүл үүсгэж байгаа тул замын ачаалал эрс нэмэгдэж байна. Иймд зорчигч Та бүхэн замын түгжрэлийг тооцоолон төлөвлөгөөт нислэгээс 2-3 цагийн өмнө “Чингис Хаан” олон улсын нисэх буудалд хүрэлцэн ирнэ үү.

Цаг агаарын давагдашгүй хүчин зүйлийн улмаас дараах нислэгүүдийн цагийн хуваарьт өөрчлөлт орж байна.

Улаанбаатар-Алтай чиглэлийн ОМ041 аяллын нислэг 16:15 цагт Улаанбаатараас хөөрч Алтайд 17:45 цагт бууж, Алтай хотоос 18:25 цагт хөөрч, Улаанбаатарт 19:45 цагт бууна.

Улаанбаатар-Даланзадгад чиглэлийн ОМ091 аяллын нислэг 20:25 цагт Улаанбаатараас хөөрч Даланзадгадад 20:05 цагт бууж, Даланзадгад хотоос 22:00 цагт хөөрч Улаанбаатарт 22:50 цагт бууна.

Дээр дурдсанаас бусад нислэгүүд төлөвлөсөн цагийн хуваарийн дагуу үйлдэгдэх болно.
Цаг агаарын хүндрэлийн улмаас төлөвлөгөөт нислэгүүдийн цагийн хуваарьт өөрчлөлт гарсан даруйд бид зорчигч Та бүхэнд шуурхай мэдэгдэх болно.