​ ЦАГДААГИЙН БАЙГУУЛЛАГА: И Сон Гюүн, G-Dragon хоёроос өөр алдартныг хар тамхины хэрэгт шалгаагүй гэв

Солонгосын жүжигчин И Сон Гюүн, BIG BANG хамтлагийн гишүүн G-Dragon нар хар тамхи, мансууруулах бодисын хэрэгт холбогдон шалгагдаж байгаа юм. Тэгвэл уг хэрэгт тэднээс өөр алдартан шалгагдаагүй болохыг цагдаагийн байгууллагаас мэдээлжээ. Өмнө нь хэвлэлээр тэднээс гадна таван алдартан шалгагдаж байгаа гэх мэдээлэл гарч байсан юм.

Цагдаагийн байгууллагаас одоогоор жүжигчин И болон G-Dragon, цэнгээний газрын менежер ажилтан зэрэг таван хүмүүсийг хар тамхи, мансууруулах бодисын хэргээр шалгаж уг хэргийг шүүхэд шилжүүлээд байна. Жүжигчин И Сон Гюүнийг 2023 оны нэгдүгээр сараас эхлэн хар тамхи хэрэглэсэн гэх мэдээлэл хэвлэлээр гараад байгаа юм. Олон нийт И Сон Гюүн жүжигчнийг "Parasite" киногоор нь сайн мэдэх билээ.