ЦЕГ-аас морьт эргүүлийн чиглэлээр Их Британид туршлага судална

Хууль зүй, дотоод хэргийн дэд сайд Б.Солонгоо Их Британи, Умард Ирландын нэгдсэн хаант улсаас Монгол улсад суух онц бөгөөд бүрэн эрхт элчин сайд Фиона Элизабет Блайтыг хүлээн авч уулзаж, хууль зүй, дотоод хэргийн салбарт туршлага судлах, чадавхыг бэхжүүлэх, албан хаагчдад англи хэлний сургалтын хөтөлбөр хэрэгжүүлэх чиглэлээр хамтран ажиллах талаар санал солилцжээ.

Элчин сайд Фиона Блайт хоёр улсын хууль зүй, дотоод хэргийн салбарын хамтын ажиллагааг цаашид өргөжүүлэхэд анхаарч ажиллахаа илэрхийлж, Цагдаагийн ерөнхий газрын төлөөлөл Их Британи улсад морьт эргүүлийн чиглэлээр туршлага солилцох ажлыг ойрын үед хэрэгжүүлэх боломжтой талаар мэдээлэл өгсөн байна.