НӨАТ-ын буцаан олголтыг ТАВАН хувь болгох асуудлыг ТБХ руу шилжүүллээ

Г.Занданшатар НӨАТ-ын буцаан олголтын хоёр хувийг тав болгох асуудлыг Төсвийн байнгын хороогоор шилжүүлж буй талаар УИХ-ын дарга Г.Зандашатар чуулганы хуралдаан дээр үг хэллээ. 

 Тэрбээр "НӨАТ-ын буцаан олголтын хэмжээг 5 хувь болгон нэмэгдүүлэх санал асуулгад зургаахан хоногийн дотор 100 гаруй мянган иргэн дэмжсэн. Энэ бол парламентын түүхэнд иргэд анх удаа иргэд анх удаа төрийн хэрэгт цахимаар шууд оролцсон үйл явдал боллоо. Иймээс Дэгийн тухай хуулийн дагуу санал 100 мянгад хүрсэн бол УИХ-ын дарга чуулганд мэдээлж, холбогдох байнгын хороонд шилжүүлэхээр заасан. Иймээс НӨАТ-ын буцаан олголтын хэмжээг 5 хувь болгон нэмэгдүүлэх санал асуулгын үр дүнг хэлэлцэхээр Төрийн байгуулалтын байнгын хороонд шилжүүлж байна. 

Санал өгсөн иргэдийн 70 хувь нь эмэгтэйчүүд байна. Тэд өрхийн санхүүгийн гол оролцогчид, татварын хэмжээ, НӨАТ-ын буцаан олголт тэдний санааг зовоосон асуудал мөн болох нь нотлогдож байна" гэлээ.