Б.Махбалыг сулласан шийдвэрийг үндэслэлгүй гэж үзэн хорихоор боллоо

Хүн амины хэргээр 11 жилийн ял авсан Б.Махбалыг өнгөрсөн сарын 27-ны өдөр сулласан. Тэгвэл түүнийг хугацаанаас өмнө суллах шийдвэр гаргасан нь үндэслэлгүй гэж үзсэн байна. 

Тодруулбал, Багануур дүүргийн прокурорын газрын ерөнхий прокурорын бичсэн "Иргэн Б.Махбалын хорих ялаас хугацаанаас өмнө суллаж, хяналт тогтоож шийдвэрлэсэн Багануур дүүргийн Эрүүгийн хэргийн анхан шатны шүүхийн шүүгчийн 2023 оны 09 дүгээр сарын 13-ны өдрийн 2023/ХМШЗ/59 дугаартай захирамжийг хүчингүй болгох" эсэргүүцлийг Нийслэлийн эрүүгийн хэргийн давж заалдах шатны шүүх хүлээн авч, эсэргүүцлийг хангаж шийдвэрлэжээ. 

 Сануулахад, ЗТХЯ-ны Төрийн захиргаа, удирдлагын газрын дарга Б.Махбал нь  яамныхаа Хяналт, шинжилгээ, үнэлгээ, дотоод аудитын газрын дарга Т.Г-гийн амийг 2018 оны наймдугаар сарын 9-нд хөнөөсөн аймшигт үйл явдал болсон.