Автобусны хэрэгт дөрвөн Солонгос иргэний хоёрыг нь цагдан хорьж, хоёрт нь хилийн хориг тавьжээ

АТГ-аас мэдээлэл хийж байна. 

АТГ: "Ногоон автобусаар хязгаарлагдахгүй автобусны худалдан авалтыг шалгаж байна. Нэр бүхий албан тушаалтнууд холбогдох хууль тогтоомж зөрчиж, нэр бүхий компанид эдийн засгийн давуу байдал олгосон нь тогтоогдсон тул шалгалтыг үргэлжлүүлж байна. Автобустай холбоотой хэрэгт 11 хүний гэр, албан ажлын өрөөнд нэгжлэг шалгалт хийж, 25 хүнийг яллагдагчаар татсан. Мөн уг хэрэгтэй холбогдуулан нэр бүхий компанийн дансанд байсан 3,4 сая ам.долларыг царцаасан.

Автобусны хэргээр БНСУ-ын дөрвөн иргэнийг уг хэрэгт яллагдагчаар татан шалгаж хоёр иргэнийг цагдан хорьж, хоёр иргэнд хилийн хориг тавиад байна".

Хилийн хориг тавьсан хоёр иргэний нэг нь Вьетнам дахь Daewoo компанийн ажилтан нэг нь Солонгос дахь салбар компанийн ажилтан байна.

Шууд дамжуулалт үзэх: