Н.Ганибал: Тусгайгийнхан Д.Мөнх-Эрдэнийг дарамталсан нь тодорхой болсон

АН-ын бүлгийн өнөөдрийн хуралдаанаар иргэн Д.Мөнх-Эрдэнийн асуудлыг авч хэлэлцжээ. Түүнийг шүүхийн шийдвэрээр ял шийтгэл эдэлж байх хугацаанд нь давхар яллаж хүний эрхийн ноцтой зөрчил гаргаж байна гэж бүлгийн гишүүн Н.Ганибал хэлж байна. “Ял шийтгэл эдлэн хоригдож байгаа хүмүүс дээр хүний эрхийн ноцтой зөрчил гардгийг бид Д.Мөнх-Эрдэнэ дээр тодорхой мэдэж авлаа. Хүн ял эдлээд хорих газарт байх хугацаанд давхар ялладаг байдал Д.Мөнх-Эрдэнэ дээр харагдаж байна. Тусгай хэлтсийн хүмүүс хорих анги дээр нь ирээд Д.Мөнх-Эрдэнийг санаатай дарамталсан нь тодорхой болсон. Энэ мэт үйлдлийг таслан зогсоохын төлөө АН-ын бүлгийн хурлаар авч хэлэлцлээ. Хорих ангийн даргын хэрэгжүүлж байгаа журам нь ЦЕГ-ын даргын тушаалаар байгуулсан журмаар Д.Мөнх-Эрдэнийг хоригдож байгаа хугацаанд нь ялласан асуудал байгаа юм. Журам зөрчсөн гэдэг байдлаар түүн дээр үйл ажиллагаа явуулсан байна. Мянга мянган хоригдлуудад баталгаажаагүй хууль зөрчсөн журмаар хүний эрхийн зөрчил үүсгэдэг юм байна гэдгийг эндээс харж болно. Үүнийг таслан зогсоохын төлөө АН-ын бүлэг ажиллана”