Б.Дэлгэрсайхан: Эхлээд Түгжрэлийн хуультай болоодхоё, би аж ахуйч хүн учраас ажиллаж чадна

Түгжрэлийн сайд Б.Дэлгэрсайханаас хийж, хэрэгжүүлэх ажлынх нь талаар зарим зүйлийг тодрууллаа. 

Тэрбээр "Гадагшаа явж судлаад байгаа юмгүй. Автобус болон метроны асуудлаар олон компанитай уулзаад ирсэн. Одоо ярихаасаа илүүтэй хийх ажил руугаа л орьё, ярих бол хоёрдугаар асуудал. Нэгдүгээр автобусныхаа асуудлыг хурдан түргэн шийдье. Хоёрдугаарт метроны асуудал. Ногоон автобусны асуудлыг хуулийн байгууллага нь шийднэ, би тийшээгээ оролцох эрхгүй.Автобусны олон улсын тендер зарлачихсан, хот өөрөө үйлдвэрлэгчээс нь шууд авна гэсэн үг.  Энэ өвөлдөө автобустай болж амжина. Миний зүгээс ойрын хугацаанд хуультай болгохоор ажиллаж байна. Эхлээд Түгжрэлийн хуультай болоодхоё. Хуульд цогц асуудлууд тусгагдана. Түгжрэл бол аж ахуйн асуудал учраас хөдөөний гишүүн гээд байх шаардлагагүй. Монгол Улс нэг л улс, би хийх гэж л зүтгэнэ" гэлээ.