С.Чинзориг: Сонсголоо ажил хэрэгч байдлаар хий, улс төр болгож, сенсааци битгий хөөгөөсэй

Эдийн засгийн байнгын хорооны хуралдаанаар ковидын төсвийн зарцуулалтыг хэлэлцэж эхэллээ. Энэ үеэр Эрүүл мэндийн сайд С.Чинзориг үг хэллээ.

"Хуулиар сонсгол даргалагч өөрөө шинжээч нарт мэдэгдэх хуудас хүргүүлэх зохицуулалт байгаа. Хуулийн гарцыг ашиглаад сонсголоо явуулах хэрэгтэй. Улс төр хийгээд баймааргүй байна. Салбарын нэр хүндийн асуудал, хэцүү үед иргэдийн амь нас, эрүүл мэндийн төлөө тэмцэж ажилласан эмч нарын ч нэр хүндийн асуудал. Төрийн ажлыг хийх гэж байгаа бол хуулийн хүрээнд явуулмаар байна. Явуулахгүй бол улс төрийн мэдэгдэл хийж болохгүй" гэв.