Өнөөдөр болох үйл явдлууд: Монгол зан үйл, ёс заншил сурталчлах "Баярлалаа" төслийг танилцуулна

Өнөөдөр болох үйл явдлуудын товч хураангүйг танилцуулъя. 

МУИС-ийн номын санд

09:00 цагт Хөгжлийн бэрхшээлтэй суралцагчдад зориулсан “Ярьдаг, сонсдог номын сан”-гийн нээлтийн арга хэмжээг зохион байгуулна. 

Төрийн ордонд

10:00 цагт УИХ-ын чуулганы нэгдсэн хуралдаан болно. 

Гадаад Харилцааны Яам (ГХЯ)-нд

09:00 цагт Отгонтэнгэр их сургууль, ГХЯ, МУИС-ийн Улс төр судлалын тэнхим, ШУА-ийн Олон Улс Судлалын хүрээлэн, МУИС-ийн Европ судлалын тэнхим хамтран “Европын холбоо: Өнөөгийн байдал, ирээдүйн чиг хандлага” сэдэвт олон улсын эрдэм шинжилгээний бага хурлыг зохион байгуулна. 

Монгол, Чех, Унгар, Румын, Украин, Англи, Хятад, Япон зэрэг орны багш, эрдэмтэн, судлаачид илтгэл тавьж, хэлэлцүүлнэ.

Улаанбаатар зочид буудалд

09:00-13:00 цагт "Хүүхдийн эрхийн хууль тогтоомжийн хэрэгжилт" сэдэвт хэлэлцүүлэг зохион байгуулна.

МУИС-ийн хоёрдугаар байранд 

10:00 цагт “Соёлын Өвсний үндэс” буцалтгүй тусламжаар хэрэгжсэн “МУИС-ийн япон хэлний хэлмэрчлэхүйн лаборатори байгуулах төсөл”-ийн нээлтийн үйл ажиллагаа болно. Үйл ажиллагаанд Япон Улсаас Монгол Улсад суугаа Онц бөгөөд Бүрэн эрхт Элчин сайд Кобаяши Хироюки, МУИС-ийн захирал Д.Бадарч болон холбогдох төлөөний хүмүүс оролцоно.

Монгол Ньюс мэдээллийн төвд

11:30 цагт Монгол зан үйл, ёс заншил сурталчлах зорилготой "Баярлалаа" төслийн талаар Тахилт иргэдийн зөвлөл, Хөдөө аж ахуйн дээд сургуулийн Мал аж ахуй, Биологийн сургуулийн эрдэмтэн, судлаачдын хамт мэдээлэл хийнэ.

ГССҮТ-ийн салбар эмнэлэгт 

11:30-16:30 цагт Гэмтэл согог судлалын үндэсний төвийн салбар эмнэлгийн “Нээлттэй хаалганы өдөрлөг” болно.