Ж.Ганбаатар: Нефтийн үнэ буурна, нөөцлөх хэрэггүй

УИХ-ын чуулганы нэгдсэн хуралдаанаар 2025-2026 оны төсвийн төсөөллийн тухай хуулийг хэлэлцэж байна. Хуралдаанаар УУХҮ-ийн сайд Ж.Ганбаатар " Дизель түлшний үнэ 500 төгрөгөөр өссөн гэдэг асуудал худал. ОХУ-ын Засгийн газрын тогтоолтой холбоотойгоор хомсдолд орохын хувьд хэсэг хугацаанд орсон нь үнэн. Үүнийг далимдуулж 200 төгрөгөөр нэмэгдсэн зүйл байгаа. Гэхдээ дизелийн үнэ арваннэгдүгээр сараас бууна. Сингапур, Санкт-Петербургийн бирж дээр нефтийн үнэ бууж байгаа.

Алтны АМНАТ-г тултал нь авч байгаа. Нефтийн үйлдвэр Ковидын улмаас хойшилсон ч баригдаад явж байгаа. Дезиль болон нефтийн хомсдол үүссэн зүйл байхгүй. Манай яам нөөцтэй байсан тулдаа 20 хоногийн нөөцийг бүрдүүлж чадсан. Үнэ буурах болохоор ихээр нөөцлөх хэрэггүй" гэв.