БНХАУ-д болсон газар хөдлөлтийн үеийн хариу арга хэмжээний дадлага сургуульд оролцжээ

БНХАУ-ын Онцгой байдлын удирдлагын яамнаас “Бүс ба Зам” онцгой байдлын удирдлага болон гамшгийн эрсдэлийг бууруулах олон улсын хамтын ажиллагааны механизмын хүрээнд газар хөдлөлтийн үеийн хариу арга хэмжээний дадлага сургууль 2023 оны 10 дугаар сарын 10-12-ны өдрүүдэд БНХАУ-ын Бээжин хотноо болж өнгөрлөө.

Дадлага сургууль БНХАУ-ын Онцгой байдлын удирдлагын яамны харьяа Газар хөдлөлтийн хариу арга хэмжээнд дэмжлэг үзүүлэх үндэсний албанд Олон улсын эрэн хайх, аврах, зөвлөлдөх бүлгийн зөвлөмжийн дагуу зохион байгуулагдсан.

Дадлага сургуульд Монгол, Хятад, Беларус, Тайланд, Малайз, Сингапур, Пакистан зэрэг нийт 9 улсын эрэн хайх, аврах, туслах зөвлөх бүлгийн “дунд” болон “хүнд” ангиллын багууд оролцсон ба Онцгой байдлын ерөнхий газар, Үндэсний аврах бригадаас нийт гурван алба хаагч оролцож өгөгдсөн цагийн байдлын дагуу хариу арга хэмжээ авч харилцан туршлага солилцсон юм гэж Онцгой байдлын ерөнхий газраас мэдээллээ.