Нийслэлийн 18-р сургуулийн сурагчид дахин хордлого авч, ЭХЭМҮТ-д хүргэгджээ

Хан-Уул дүүргийн 18 дугаар сургуулийн сурагчид энэ сарын 21-нд ангидаа байхдаа хордсон. Хордлогын шалтгаан нөхцлийг тодруулах хүрээнд тус сургуулийн дунд анги буюу 6-8 дугаар ангийнхны хичээлийг  цахим хэлбэрт шилжүүлсэн. Сурагчдын хордсон шалтгааны дүгнэлт гарсаны дараа хичээл сургалтын үйл ажиллагааг танхимд шилжүүлнэ гэсэн юм.

Одоог хүртэл сурагчид юунаас болж хордсон шалтгааныг тодорхойлох шинжилгээний хариу гараагүй байна. Хариу хэзээ гарах нь одоогоор тодорхойгүй байна.

Тэгвэл өмнө хордсон 14 сурагч дахин сургууль дээрээ хордлого авч эмнэлэгт хүргэгдсэн байна. Одоогоор сургууль дээр нь цагдаагийн байгууллага ажиллаж байна. Өмнөх хордлого нь гарч амжаагүй  байтал дахин хордлогонд орчихлоо гэх зүйлийг эцэг эхийн зүгээс гомдолтой байгаагаа хэллээ. 

Одоогийн байдлаар 3 хүүхдийн биeийн байдлыг харзнахаар хэвтүүлэн, бусад хүүхдүүдийг ар гэрт нь хүлээлгэн өгсөн байдалтай байна.

Хүүхдүүдийн толгой эргэж,  хөл дээрээ зогсож чадахгүй, бөөлжих,  шинж тэмдэгтэйгээр ЭХХЭМҮТ-д очсон байна. Хордсон хүүхүүдийн  эцэг эхийн зүгээс угаартсан гэх зүйлийг хэлж байгаа юм.