Ял шийтгүүлж суллагдсан зургаан иргэн дахин гэмт хэрэг үйлджээ

Хууль зүй, дотоод хэргийн сайд Б.Энхбаяр: 2023оны найман сарын байдлаар нийт 25,392 хэрэг бүртгэгдснээс 3289 буюу 13 хувь нь согтуугаар үйлдэгдсэн гэмт хэрэг байна. 2022 онд согтуугаар үйлдэгдсэн зам тээврийн осол болон хүний амь нас хохирон тохиолдол буурсан. Согтуугаар тээврийн хэрэгсэл жолоодвол дараах дөрвөн ялын сонголттойгоор  гэмт хэрэгт тооцох саналыг боловсруулсан. Хэрэв согтуугаар тээврийн хэрэгсэл жолоодсон тохиолдолд тээврийн хэрэслийг жолоодох эрхийг 1-3 жил хүртэл хугацаагаар жолоодох эрхийг хасаж 450,000-2,700,000 төгрөгөөр торгох эсхүл

1. 240-720 цаг нийтэд тустай ажил хийлгэх эсхүл
2. Зургаан сараас нэг жил хүртэл хугацаагаар зорчих эрхийг хязгаарлах эсхүл
3. Зургаан сараас нэг жил хүртэл хугацаагаар хорих ял шийтгэх

Мөн согтуугаар тээврийн хэрэгсэл жолоодож ял шийтгэгдсэн этгээд дахин энэ зөрчлөө гаргавал тус үйлдлийг хүндрүүлэх бүрэлдэхүүнд тооцно.

"10 жилийн хугацаанд ял шийтгүүлж суллагдсан зургаан иргэн дахин гэмт хэрэг үйлджээ"

2013-2023 оны хугацаанд бусдыг санаатай алах, бага насны хүүхдийг хүчиндэх, авлига албан тушаалын гэмт хэрэг үйлдэх хэрэгт ял шийтгүүлсэн 3,879 хүн суллагдсан байна. Суллагдсан хүмүүсийн

• 52.9 хувь нь хүний амь насанд хүрэх гэмт хэрэг
• 45.4 хувь нь хүчиндэх гэмт хэрэг
• 13.7 хувь нь бага насны хүүхдийг хүчиндэх гэмт хэрэг
• 1.6 хувь нь авлига, албан тушаалын гэмт хэргээр ял шийтгэгдсэн байна. Мөн ял шийтгүүлж суллагдсан 3879 хүний зургаа нь дахин гэмт хэрэг үйлдсэн талаар ХЗДХЯ-наас мэдээллээ.