НОГООН АВТОБУС: С.Жавхлантбаатар, Г.Энхтайван нарыг цагдан хорих саналыг АТГ-аас прокурорт хүргүүлжээ

“Ногоон автобус“-ны хэрэгт холбогдсон Нийтийн тээврийн газрын дарга С.Жавхлантбаатар, Нийслэлийн худалдан авах ажиллагааны газрын дарга Г.Энхтайван нарыг цагдан хорих саналыг АТГ-аас прокурорт хүргүүллээ. Өнгөрсөн 10 дугаар сарын 1-ний шөнө Тэнүүн-Огоо компанийн захирал А.Ганхуяг болон холбогдох дөрвөн хүнийг нэг сарын хугацаатай цагдан хорих шийдвэрийг Нийслэлийн прокуророос гаргаад байсан юм. Тэгвэл энэ удаа уг хэрэгт холбогдуулан С.Жавхлантбаатар, Г.Энхтайван нарыг цагдан хорих саналыг хүргүүлээд байна.

Эргэн сануулахад, С.Жавхлантбаатар АТГ-т шалгагдах үеэр амиа хорлохыг завдаж өөрийгөө хутгалсан бөгөөд биеийн байдал хүнд эмнэлэгт хүргэгдсэн гэх мэдээлэл хэвлэлээр гарч байсан юм.