Охиныг авч явсан автомашины улсын дугаар Улаанбаатар номертой болж өөрчлөгдсөн байжээ

Цагдаагийн байгууллагаас Дорноговь аймагт 2023 оны 10 дугаар сарын 03-ны өдөр сураггүй алга болсон 12 настай “Д” охинийг хүч нэмэгдүүлэн эрэн сурвалжилж охиныг хайх ажилд ОБЕГ-аас нисдэг тэрэг гарган, эрэн хайх ажилд 700 гаруй хүн оролцож байна. 

Охиныг авч явсан автомашины жолооч сэжигтэн Г-г Өмнөговь аймгийн Манлай суманд баривчилсан. Тухайн тээврийн хэрэгслийн улсын дугаарыг шавар, будган байдлаар бүдэгрүүлж, гэр хороолол дундуур явсан нь тогтоогдсон. Тухайн үед Дорноговь аймгийн сериал номертой явж байгаад баригдах үед тээврйн хэрэгслийн улсын дугаар нь Улаанбаатар сертэй болж, өнгө нь өөрчлөгдсөн байсан. Жолооч нар тээврийн хэрэгслийн улсын дугаараа хөдөө замд гээгдүүлчихээд холбогдох газар мэдэгдэлгүй, шинээр дугаар авдаг нь энэ мэт гэмт хэргийн нөхцөл бүрдэх боломжийг бий болгож байна гэдгийг Цагдаагийн байгууллагаас өглөө. 

Түүнчлэн "Хяналтын камер үүргээ гүйцэтгээгүй гэдэг өрөөсгөл, харин камерийн дүрсний нягтрал муу, шороо тоос болсон байсныг үгүйсгэхгүй. Тиймээс Сайншанд суманд хоёр сарын хугацаанд хяналтын камерийг бүрэн суурилуулах болно" гэв.