Охиныг машиндаа суулгаж авч явсан иргэнийг сэжиглэж, саатуулаад байна

Сайншанд суманд өчигдөр  12 настай хүүхэд сураггүй алга болсонтой холбогдуулан Аймгийн засаг дарга, хэлтсийн нийт бүрэлдэхүүнтэй өргөтгөсөн шуурхай хуралдааныг зохион байгуулж байна. 

Өнөөдрийн байдлаар охин олдоогүй байгаа бөгөөд эрэн хайх ажиллагаа үргэлжилж байгаа тул иргэдийг мөрдөн шалгах ажиллагаанд хүндрэл учруулахгүй байхыг цагдаагийн газраас уриалж байна.

Алга болсон охиныг Сайншанд сум болон 14 сумын хэмжээнд зохион байгуулж шуурхай штаб 24 цагаар ажиллах шийдвэрийг гаргасан юм.

Охиныг аймгийн төвөөс жижиг хар машинаар гэрийн гаднаас нь авч Сайхандулаан сум чиглэн явсан гэх мэдээлэл байсан. Цагдаагийн байгууллагаас шалгаж тус машины жолоочийг Мандах сумаас олж, сэжиглэн саатуулжээ. Харамсалтай нь охин одоо болтол олдоогүй байна.