УЕП Б.Жаргалсайхан: “Ногоон автобус”-ны асуудлаар дөрвөн хүнийг цагдан хорьсон

 Улсын ерөнхий прокурор Б.Жаргалсайханаас манай сэтгүүлч “Ногоон автобус” -ны хэргээр цагдан хоригдсон дөрвөн хүний талаар тодрууллаа.

Өнөөдөр “Ногоон автобус”-тай холбоотой асуудлаар нэр бүхийн дөрвөн хүнийг цагдан хорьсон гэсэн мэдээлэл байна. Прокурорын зөвшөөрөл авсан юм болов уу?

Би өглөө товч мэдээлэл авлаа. Урд шөнө дөрвөн хүнийг албадан саатуулсан байна. Одоо мөрдөн шалгах ажиллагаа явагдаж байна.

Ямар сэжүүр гарсан болохоор гэрт нь нэгжлэг хийн цагдан хорьсон юм бол?

Одоо мөрдөн шалгах ажиллагаа эхэлж байгаа учраас энэ тухай ярихад эрт байна. Тодорхой ажиллагаанууд хийгдээд хэрвээ та бүхэн мэдээлэл авъя гэвэл  мөрдөн байцаах байгууллага прокурорын зөвшөөрөлтэй мэдээлэл өгөх бүрэн боломжтой.