“Мотоциклоос унаад нас барчихаар нь хээр хаясан” гэжээ

Дорнод аймгийн цагдаагийн газраас эрэн сурвалжлаж байсан 7 настай “С” хүүг иргэний мэдээллээр тус аймгийн төвийн Хэрлэн сумын 3 дугаар баг Хөгшир гэх газарт дэрсэн дундаас олсон бөгөөд уг хэрэгт холбогдуулан 34 настай  “Б” гэгчийг шалгаж байна.

Тэгвэл хүүг хөнөөсөн хэрэгт сэжиглэгдэж буй Б нь мотоциклоос унаад нас барчихаар нь хээр хаясан гэж хэлжээ.

Нэмэлт: 

Хүү гадны нөлөөтэй нас барсан байж болзошгүй бөгөөд төвийн гудамжны камерын бичлэгийн мөрөөр хүүгийн аминд хүрсэн байж болзошгүй этгээдийг тогтоохоор ажиллаж байгаа юм байна. Талийгаач хүү нь ээж болон хойд аавтайгаа амьдардаг байсан бөгөөд ээжийгээ хот явсан хойгуур хүү алга болжээ. Дорнод аймгийн цагдаагийн газраас хүүгийн хойд аав 34 настай эрэгтэйг саатуулаад байгаа юм.