АТГ-аас Эрүүл мэндийн дэд сайд С.Энхболдыг шалгаад эхэлжээ

Эрүүл мэндийн сайд асан С.Энхболдыг цахим эрүүл мэнд төсөлтэй холбоотой асуудлаар АТГ-аас шалгаж эхэлжээ. Өнгөрсөн гуравдугаар сард Засгийн газраас Цахим эрүүл мэнд төслийг хэрэгжүүлэхэд гаргасан шаардлагагүй зардал болох 1,718,360 ам.долларыг Дэлхийн банкинд эргүүлэн төлөх тухай тогтоол гаргасан юм.

Дэлхийн банкны санхүүжилтээр хэрэгжсэн Цахим эрүүл мэнд төсөл зургаан жил үргэлжилсэн ч төслийн үр дүн гараагүй бөгөөд төслийн үйл явцад хийсэн аудитын дүгнэлтээр хангалтгүй үнэлгээ гарч, Дэлхийн банкнаас уг төслийг зогсоогоод байгаа. Ингэхдээ шаардлага хангаагүй зардлыг Монгол Улсын Засгийн газраас нэхэмжлээд байгаа юм.
Төсөл амжилтгүй болсон нь тухайн үеийн Эрүүл мэндийн сайд С.Энхболд эрх мэдэл давуу байдлаа ашиглан өөрийн хамаарал бүхий компанид тендер өгсөнтэй холбоотой. Өөрөөр хэлбэл С.Энхболдын үеэл дүү Ө.Эсболдын хамаарал бүхий Аксис сестим компани цахим эрүүл мэнд төслийн тендерт шалгарч, 10 сая ам долларыг салхинд хийсгээд байгаа юм.